महामंडळाची स्‍थापना
वसंतराव नाईक विमुक्त जाती व भटक्या जमाती विकास महामंडळ, मर्यादित मुंबई या महामंडळाची दिनांक 8 फेब्रुवारी, 1984 रोजी कंपनी कायदा, 1956 नुसार महामंडळाची स्‍थापना करण्‍यात आली असून सदर महामंडळ सामाजिक न्‍याय व विशेष सहाय्य विभागाच्‍या अधिनस्‍त कार्यरत होते. शासन अधिसूचना दिनांक 10 मार्च, 2019 अन्‍वये सामाजिक न्‍याय विभागातून इतर मागासवर्ग सामाजिक व शैक्षणिक मागास प्रवर्ग, विमुक्त जाती भटक्या जमाती आणि विशेष मागास प्रवर्ग कल्याण विभाग या स्‍वतंत्र विभागची स्‍थापना करण्‍यात आली असून शासन निर्णय क्रमांक इमाव 2016/प्र.क्र.95/आस्थापना, दि.24 जुलै, 2019 नुसार इतर मागास बहुजन कल्याण विभाग असे नामकरण करण्‍यात आले आहे. सदर विभागाच्‍या अधिनस्‍त वसंतराव नाईक विमुक्त जाती व भटक्या जमाती विकास महामंडळ कार्यरत आहे.
महामंडळ स्थापनेची उद्दिष्टे
सदर महामंडळामार्फत विमुक्त जाती, भटक्या जमाती व विशेष मागासवर्ग प्रवर्गाच्‍या आर्थिक दृष्‍ट्या दुर्बल घटकातील व्‍यक्‍तींना सामाजिक, आर्थिक व शैक्षणिक उन्‍नतीकरिता विविध योजनांची अंमलबजावणी करण्‍यात येते.
वैयक्तिक कर्ज व्याज परतावा योजना
अर्जदाराची अर्हता:
- अर्जदार महाराष्ट्र राज्याचा रहिवाशी असावा.
- अर्जदार विमुक्त जाती, भटक्या जमाती व विशेष मागास प्रवर्गातील असावा.
- अर्जदाराचे कर्ज खाते आधारकार्ड लिंक असणे अनिवार्य राहील.
- लाभार्थ्यांचे वय वर्ष १८ ते ५० दरम्यान असावे
- अर्जदाराने अर्ज करतेवेळी या प्रकल्पासाठी व यापुर्वी महामंडळाच्या किंवा इतर महामंडळाच्या कोणत्याही योजनाचा लाभ घेतलेला नसावा.
- कुटुंबातील एकावेळी एकाच सदस्याला कर्ज योजनेचा लाभ घेता येईल.
अर्जासोबत जोडावयाच्या कागदपत्रांचा तपशिल:
- शिधापत्रिकेची प्रमाणित प्रत
- आधार कार्ड
- जातीचे प्रमाणपत्र
- पत्त्याचा पुरावा
- बँक स्टेटमेंट
- प्रकल्प अहवाल
गट कर्ज व्याज परतावा योजना
अर्जदाराची अर्हता:
- गटातील सदस्य हे महाराष्ट्र राज्याचे रहिवासी असावेत.
- गटातील सदस्य हे विमुक्त जाती, भटक्या जमाती व विशेष मागास प्रवर्गातील असावेत.
- गटातील लाभार्थ्यांचे कर्ज खाते आधारकार्ड लिंक असणे अनिवार्य राहील
- गटातील लाभार्थ्यांचे वय वर्ष १८ ते ४५ दरम्यान असावे
अर्जासोबत जोडावयाच्या कागदपत्रांचा तपशिल:
- शिधापत्रिकेची प्रमाणित प्रत
- आधार कार्ड
- जातीचे प्रमाणपत्र
- पत्त्याचा पुरावा
- बँक स्टेटमेंट
- प्रकल्प अहवाल