AIS मध्ये, तुम्हाला पगाराव्यतिरिक्त इतर स्त्रोतांकडून मिळणार्‍या प्रत्येक उत्पन्नाचा तपशील मिळतो, जो आयकर कायदा 1961 अंतर्गत निर्दिष्ट केला आहे. म्हणजे करपात्र श्रेणीत येणाऱ्या प्रत्येक उत्पन्नाची माहिती त्यात उपलब्ध असेल. ज्यामध्ये TIS हा मुळात AIS चा सारांश आहे.
आयकर रिटर्न भरण्याची प्रक्रिया आणखी सुलभ करण्यासाठी आयकर विभागाने “वार्षिक माहिती विवरण” (AIS) सुविधा सुरू केली असून आता करदात्यांना त्यांचे आयकर रिटर्न भरण्यापूर्वी नवीन वार्षिक माहिती विवरणपत्रासह सत्यापित करू शकतात ज्यामुळे भविष्यात त्यांना आयकर विभागाची नोटीस येणार नाही. वार्षिक माहिती विधान (AIS) जुन्या फॉर्म २६AS पेक्षा अधिक व्यापक असून यामध्ये करदात्यांची सर्व माहिती आहे, जी आधीपासून प्राप्तिकर विभागाकडे आहे. AIS च्या मदतीने आयकर भरणे खूप सोपे होईल.
AIS फॉर्म म्हणजे काय?
AIS म्हणजेच वार्षिक माहिती विधान. वर्षभरातील सर्व आर्थिक माहिती म्हणजे विविध माध्यमातून मिळणाऱ्या कमाईचा तपशील त्यात तुम्हाला मिळेल. या उत्पन्नामध्ये बचत खात्यावरील व्याज, आवर्ती किंवा एफडीमधून मिळणारे उत्पन्न, लाभांश म्हणून मिळालेली रक्कम, म्युच्युअल फंड किंवा सिक्युरिटीजमधून मिळणारे उत्पन्न आणि परदेशातील कोट्याही उत्पन्नाचा समावेश होतो.
AIS गरजेचं का?
आयटीआर रिटर्न भरताना AIS पारदर्शकता आणेल आणि करदात्यांसाठी गोष्टी सुलभ होतील. म्हणूनच आयटीआर भरण्यापूर्वी तुमच्याकडे AIS असणे आवश्यक आहे. जोपर्यंत तुम्हाला AIS मिळत नाही तोपर्यंत तुम्हाला आयटीआर न भरण्याचा सल्ला दिला जातोय कारण AIS शिवाय आयटीआर दाखल केल्यास आकड्यांमध्ये फरक पडू शकतो. दरम्यान, अजूनही अपडेटेड AIS अद्याप उपलब्ध नसले तरी मे महिन्याच्या पहिल्या आठवड्यात हे दस्तऐवज करदात्यांना उपलब्ध होण्याची शक्यता आहे.
AIS कसं डाउनलोड करायचं
- तुमचा पॅन आणि पासवर्डच्या मदतीने आयकर पोर्टलवर लॉग इन करा.
- मुख्य मेनूमधील “सेवा” टॅबवर क्लिक करा, त्यानंतर वार्षिक माहिती विधान (AIS) पर्यायावर क्लिक करा.
- येथे तुमच्या समोर एक पॉप अप विंडो उघडेल, ज्यामध्ये तुम्ही Proceed वर क्लिक करा.
- आता तुमचे AIS मुख्यपृष्ठ उघडेल.
- AIS मुख्यपृष्ठावर दिलेल्या सर्व सूचना काळजीपूर्वक वाचा.
- सूचना आणि क्रियाकलाप इतिहास दरम्यान दिलेल्या AIS टॅबवर क्लिक करा.
- आता तुमच्याकडे डाउनलोडसाठी दोन पर्याय असतील. प्रथम, करदाता माहिती प्रणाली (TIS) आणि दुसरे वार्षिक माहिती विधान (AIS).
AIS टॅबमधील PDF डाउनलोड वर क्लिक करा. पीडीएफ उघडल्यावर तुम्हाला पासवर्ड विचारला जाईल. हा पासवर्ड तुमचा पॅन कार्ड क्रमांक + जन्मतारीख असेल. उदाहरणार्थ, जर तुमचा पॅन कार्ड क्रमांक AAAAA1234A असेल आणि तुमची जन्मतारीख २१ जानेवारी १९९१ असेल, तर तुमचा पासवर्ड AAAAA1234A२१०११९९१ असेल.